Xanımların bəyəndiyi avtomobillər
Bir neçə il əvvəl şəhərdə xanım sürücü görəndə təəccüblənirdiksə, artıq bunu adi qarşılayırıq. Çünki Bakıda avtomobil idarə edən xanımların sayı gündən-günə artmaqdadır. Qadın sürücülər maşınlarda təhlükəsizliyə, praktikliyə, etibarlılığa və rahatlığa üstünlük verirlər.
Məlum məsələdir ki, bəylərlə müqayisədə xanımlar daha çox incə, balaca maşınları bəyənirlər. Qadınlar istifadəyə rahat maşınlara üstünlük verirlər və buna görə maşın seçərkən idarəetməsi rahat və uşaqları aparıb-gətirməyə əlverişli olan maşınlara diqqət yetirirlər. Hyundaı və Kia firmaları bu məsələdən xəbərdar olduqları üçün istehsal etdikləri maşınlar bu ehtiyacı qarşılayır.
Hyundai Tucson - qadınlar tərəfindən irəli sürülən bir çox meyarlara bu avtomobil cavab verir. Bu model hər yeni avtomobil nəsli ilə daha da cazibədar olur. Tucson modeli etibarlılığı və təhlükəsizliyinə görə çox yüksək qiymətləndirilir və bu model zövqlü dizaynı ilə yanaşı, həmçinin çoxsaylı imkanları və geniş baqajına görə də bəyəniləndir.
Nissan Versa - Nissanın bu heçbək mini MPV modeli dünya avtomobil bazarlarında yoxlanılmış və inanılmış bir model kimi tanınır. Versa park adilməsi çox asan olan bir modeldir. O eyni zamanda çox əlverişli və sadədir. İlk maşın kimi çox məsləhət görüləndir.
Wolkswagen Beetle – Siyahıdakı ən xarizmatik maşınlardan biridir. Bu 3 qapılı kompakt Volkswagen öz praktikliyini qeyri-adi retro görünüşünə və böyük arxa qapısına borcludur. Arxa oturacaqlarda böyüklər yalnız qısa səyahətlərdə özlərini rahat hiss edə bilər, lakin idarəedilməsi çox asandır, ekran toxunuşla idarə edilir, məlumat və əyləncə sistemi ilə təchiz edilib. Ailəvi maşın deyil. Bununla belə, idarəetmədən zövq almamaq mümkün deyil.
KİA Forte - Sedan və heçbək kimi mövcud olan və öz uyğun qiymətində eleqant xətlər və ənənəvi sonsuz imkanlar gizlədən bu model 201 at gücündə olması ilə yanaşı, eyni zamanda Apple Car play və Android inteqrasiyalı sistemə malikdir.
