Ən etibarlı 5 avtomobil
Avtomobil alarkən hamının istəkləri olur. Bu istəklərdən biri də odur ki, yeni avtomobil sahibinə problemsiz 3-5 il xidmət göstərsin. Bu müddət heç kim avtomobilinə pul xərcləməyə razılaşmır. 3-5 il problemsiz sürdükdən sonra isə avtomobildə müəyyən problemlərin yaranması normal qəbul olunur.
Tarix boyunca bəzi avtomobillər etibarlılıqları ilə digərlərindən fərqləniblər. 1990-cı illərədək Mercedes etibarlı avtomobilləri ilə məşdur idi. Mercedes 123, 124, 126, 201 modelləri interyer baxımından zövqlü və dəblidir. 80-cı illərdə bu maşınlar dizel mühərriki ilə istehsal olunurdu və 1 milyon kilometr məsafəni motor dəyişilmədən qət edə bilirdi.
Yaponlar etibarlılıqla assosiasiya olunduqları üçün siyahıda, təbii ki, Yaponiya avtomobili də olmalıdır. Bütün Yapon maşınları sahiblərinə uzun müddət xidmət edirlər. Toyota Prius ilk kütləvi satışa çıxan benzin və elektrik mühərriki olan avtomobildir. Bunun sayəsində hər 100 kilometrdə 4 litr yanacağa qənaət olunub. Bu avtomobil sərt qışda da sahibini yolda qoymayan fərqli görkəmi və yüksək manevr etmə qabiliyyəti olan avtomobildir. Avtomobil iki kuzov növündə istehsal olunur - Hetcbek və ailəli insanlar üçün universal kuzovda.
Volvo XC90 avtomobili də etibarlı maşınlardandır. Bu 7 yerlik avtomobil ailəli insanlar üçün hazırlanıb. Bu maşınlar uzun məsafənin, həmçinin yolsuzluğun öhdəsindən asanlıqla gəlir, şəhərdə idarə edilməsi isə olduqca yumşaqdır. Həmçinin geniş həcmli yük bölməsi var. Volvonun avtomatikası hətta uzun müddət istifadədən də sonra da qüsursuz çalışır.
Yaponiyanın digər istehsalı olan avtomobil - Honda CR-V də etibarlılar sırasındadır. Amma bu maşın krossoverdir. Volvo kimi bu maşın da 7 nəfərlik olması və geniş bölümünə olmasına görə, ailəvi avtomobillər sırasında yer alır. Bu konsernin bütün avtomobilləri etibarlı hesab olunur.
Toyota Camry avtomobili də ən etibarlı maşınlar sırasındadır. Bir çox avtosevərlər öz Toyota maşınlarını başqa yeni avtomobillərlə dəyişmirlər. Çünki onlar yapon maşınlarının etibarlığını və keyfiyyətini seçirlər. Camry seçilən sinfin avtomobilidir. Onun daim zövqlü görünüşü yenilənir. Bu model avtomobillər ikinci əl bazarda da böyük populyarlıqla alınır.
