Qış təkərləri seçərkən nəyə fikir verməlisiniz?
Avtomobil sahiblərinin müəyyən müddətdən sonra maşınlarında dəyişməli olduqları ehtiyat hissələrin sırasında təkərlər də var. Təkərləri dəyişdirərkən, avtomobiliniz üçün yeni təkər alarkən diqqətli olmalısınız.
Yeni və ya istifadə olunan təkərlər alarkən hər bir sürücü avtomobil təkərinin kənarındakı bəzi işarələrin mənasını bilməlidir. Küncü yuxarı istiqamətlənən kiçik bir üçbucaq təkərin eyni ölçüdə aşınmasının göstəricisi adlanır. Təkərin yan tərəfində yerləşən bu işarə ən vacib işarələrdən biridir. Bu göstərici ən çox rezin yan tərəfində yerləşir və bir-birindən eyni məsafədə yer alır.
Heç də hamının yeni, istifadə olunmamış təkər almağa maddi imkanı çatmır. Belə olan halda çıxış yolu kimi işlənmiş təkər almaq ağıla gəlir. İstifadə olunan təkər alarkən satıcının "təkərin yalnız bir mövsüm istifadə olunduğunu" deməsinə inanmaq olmur. Təkərlərin nizamlanması (razval) pozularsa, təkərin qeyri-bərabər aşınması baş verir. Üst protektordakı göstərici bərabər olsa da, yan tərəfdə isə artıq silinibsə, belə təkəri istifadə etmək olmaz.
Təkərləri seçərkən diqqətli olmaq məcburiyyətindəsiniz. Özünüzün bu barədə anlayışınız azdırsa, onda təkər almağa mütləq bu işdən anlayışı olan adamla getməlisiniz.
Sürücülər qarlı-buzlu yollarda maşını təhlükəsiz idarə etmək üçün avtomobillərinə qış təkərləri taxdırırlar. Bəzən sürücülər qış təkərləri alarkən aldadılır. Bəs görəsən qışa davamlı təkər seçərkən nələrə diqqət etmək lazımdır?
Qış təkərlərinin istehsal tarixinin yeni olması da önəmlidir. Əvvəlki illərin istehsalı olan təkərlər sizi əlavə xərcə sala bilər. Rayonda və xüsusən dağlıq ərazilərdə yaşayanlar qış təkərləri seçərkən onların naxışlarının hündür olmasına diqqət etməlidirlər.
