Ən davamlı avtomobillər hansılardır?
Avtomobil alan şəxslər üçün önəmli məsələlərdən biri həmin maşının davamlı olub-olmamasıdır. Çünki heç də hamı avtomobili tez-tez dəyişmək istəyində və maddi gücündə olmur. Buna görə də, avtomobil alıcıları çalışırlar elə maşın seçsinlər ki, həmin nəqliyyat vasitəsi uzun müddət ona xidmət etsin.
Araşdırmaya görə, ən davamlı avtomobil "Toyota"dır. "Toyota"dan sonra "Honda" ən davamlı nəqliyyat vasitəsi sayılır. Üçüncü yerdə isə ABŞ istehsalı GMC qərarlaşıb.
Böyük avtomobillər ən çox 320.000 kilometr məsafə qət edənlərdir. Siyahıya 7,4 faiz xalla "Toyota Sequoia" başçılıq edir. Onun ardınca Amerikanın "Chevrolet Suburban" və "Ford Expedition" gəlir. Liderlikdə qərarlaşan "Toyota"nın ilk 14-lükdə altı modeli var. "Sequoia" kimi böyük avtomobillər yük maşınının çərçivəsi ətrafında qurulur, ona görə də onlar güclüdür və 8 nəfərə qədər yerləşə bilən geniş kuzova malikdir.
"Toyota" etibarlılığı ilə tanınır. İlk 14-lüyə daha iki "Toyota" avtomobili daxildir - 4Runner və Highlander Hybrid. "Sequoia" kimi, 4Runner də çərçivə üzərində qurulub, o qədər də böyük olmasa da, geniş baqajı və üç sıra oturacaqları var. Bu avtomobillərin mənfi tərəfi onların yüksək yanacaq sərfiyyatıdır, lakin "Highlander Hybrid" öz sinfində ən aşağı yanacaq sərfiyyatına malikdir və üç sıra oturacaqlıdır.
"Chevrolet Suburban", "GMC Yukon" və "Yukon XL" və "Chevrolet Tahoe" eyni platformanı və bir çox ümumi hissələri paylaşır ki, bu da bu məşhur ailə avtomobillərinin niyə eyni davamlılıq reytinqlərinə malik olduğunu izah edir. Eyni şəkildə, "Ford Expedition" və ən yaxşı 14 lüks markanın yeganə "Lincoln Navigator"u eyni qrup tərəfindən hazırlanır və buna görə də çox oxşardır.
Pikapların reytinqdə üç nümayəndəsi var. Bunlar "Honda Ridgeline", "Toyota Tacoma" və "Toyota Tundra"dır. Təkcə bu üç pikap modeli seqmentin orta göstəricisi 1,8 faiz olduğu halda 3 faizdən çox təşkil edib. İlk 14-lükdəki yeganə sedan "Toyota Avalon"dur. Reytinqə mikroavtobusların nümayəndəsi "Honda Odyssey" də daxil edilib.
